Rasijanka sprabavała pieravieźci svaju maci ŭ bahažniku praź biełaruska-ŭkrainskuju miažu VIDEA
Incydent adbyŭsia 9 listapada.
«U punkcie propusku «Viesiałoŭka» afarmleńnie na vyjezd ź Biełarusi va Ukrainu prachodzili hramadzianie Rasii — mužčyna i žančyna. U chodzie ahladu ich «Falksvahiena» pahraničny narad sumiesna z supracoŭnikami mytni vyjaviŭ pasažyra, jaki jaŭna chacieŭ zastacca niezaŭvažanym, — raspaviali BiełTA ŭ Dziaržpamiežkamitecie. — U bahažniku, schavaŭšysia pad kučaj vierchniaha adzieńnia, znachodziłasia hramadzianka Ukrainy. Heta była maci rasijanki. U 60-hadovaj žančyny termin dziejańnia pašparta skončyŭsia ŭ sakaviku 2015 hoda. Mienavita tamu takim niachitrym sposabam z dapamohaj dački i jaje siabra jana vyrašyła praskočyć ŭsie vidy kantrolu na miažy».
Žančyna patłumačyła, što pra nieabchodnaść zamieny dakumienta jaje papiaredžvali rasijskija pamiežniki jašče pry pierasiačeńni rasijska-biełaruskaj miažy. Patrabavańnie pa zamienie pašparta hramadzianka Ukrainy praihnaravała, tamu na siamiejnym saviecie było pryniata rašeńnie viarnucca dadomu ź Pinska ŭ Sankt-Pieciarburh praź mižnarodny punkt propusku «Viesiałoŭka» na biełaruska-ŭkrainskaj miažy
Praź miažu ŭsie troje prapuščany nie byli. U dačynieńni da kiroŭcy i hramadzianki Ukrainy raspačaty administracyjny praces za zamach na niezakonnaje pierasiačeńnie dziaržaŭnaj miažy. Žančyna taksama budzie pryciahnuta da adkaznaści za parušeńnie praviłaŭ znachodžańnia na terytoryi Biełarusi.