U Breście znajšli źnikłuju 13-hadovuju školnicu
U Breście znajšli 13-hadovuju Arynu Litvinčuk, jakaja piać dzion tamu pajšła z domu i nie viarnułasia. Ab hetym paviedamiŭ TUT.BY aficyjny pradstaŭnik UUS Bresckaha abłvykankama Siarhiej Dučenka.
Fota UUS Bresckaha abłvykankama
Supracoŭniki kryminalnaha vyšuku znajšli dziaŭčynu ŭ mikrarajonie «Uschod». Pozna ŭviečary jana hulała na vulicy i iści dadomu nie źbirałasia.
Pravaachoŭniki paviedamili pra heta jaje baćkam i supravadzili školnicu dadomu.
Dziaŭčyna źnikła 3 śniežnia. Pa słovach jaje mamy, paśla svarki dačka pajšła z domu ŭ nieviadomym kirunku. Uviečary 5 śniežnia žančyna źviarnułasia ŭ milicyju z zajavaj ab vyšuku.