Pakupnikom šedeŭra da Vinčy za $450 miljonaŭ nazvali saudaŭskaha kronprynca
Jak vyśvietliłasia, naśledny prync Saudaŭskaj Aravii Machamied bin Sałman patraciŭ $450 młn na karcinu Leanarda da Vinčy. Zaraz bin Sałman pravodzić kampaniju pa baraćbie z karupcyjaj.
Reuters.com
Naśledny prync Saudaŭskaj Aravii Machamied bin Sałman, jaki pravodzić u karaleŭstvie bujnamaštabnuju kampaniju pa baraćbie z karupcyjaj, byŭ faktyčnym pakupnikom šedeŭra Leanarda da Vinčy «Zbaŭca śvietu». Pra heta piša Wall Street Journal sa spasyłkaj na krynicy, znajomyja z dakładami amierykanskaj raźviedki. U listapadzie rasijski miljarder Dźmitryj Rybałoŭleŭ pradaŭ karcinu italjanskaha majstra na aŭkcyjonie Christie's za $ 450 młn.
Amierykanskija ŭłady pilna sočać za dziejnaściu kronprynca, jaki pazicyjanuje siabie jak refarmatar. «Reputacyja naślednaha prynca, što tracić takuju sumu, kab kupić karcinu, kali jon pavinien kiravać antykarupcyjnaj kampanijaj, niaŭstojlivaja», — skazaŭ haziecie były supracoŭnik CRU Brus Rydeł.
Naminalnym pakupnikom karciny byŭ prync Bader bien Abduła bien Machamied bien Farchan al-Saud, daloki svajak spadčyńnika saudaŭskaha trona. «Jon davieranaja asoba kronprynca», - paviedamiła haziecie krynica, znajomy sa śvietam tarhoŭ pradmietami mastactva na Blizkim Uschodzie. Surazmoŭca haziety ŭ amierykanskaj raźviedcy adznačyŭ, što Bader byŭ pakupnikom na papiery, ale kančatkovym bienieficyjaram źjaŭlajecca prync Machamied.
AP
Karcina da Vinčy adpravicca ŭ Łuŭr u Abu-Dabi, heta samy darahi tvor mastactva ŭ aŭkcyjonnaj historyi. Dźmitryj Rybałoŭleŭ kupiŭ (majomaść $7,3 młrd) jaje u šviejcarskaha dylera Iva Buŭje za $ 127,5 młn.