Hatujem bahataje piečyva, jakoje stanie dobrym padarunkam vam i blizkim
Lublu takoje piečyva — bahataje, duchmianaje, dzie mnostva smakaŭ i tekstur spałučajucca ŭ adzinaje harmaničnaje cełaje, ad jakoha praktyčna niemahčyma adarvacca. Paŭsiadzionnym jaho, badaj, nie nazavieš: jano sapraŭdy «śviatočnaje», z takim nie soramna pryjści ŭ hości albo napiačy jaho na padarunki. Pakaštujcie sami i ŭpeŭniciesia!
Vam spatrebicca:
- 100 h masła
- 150 h cukru
- drobka soli
- 200 h muki
- 1 č.ł. prypravy dla piernika
- 1 jajka
- 50 h arechaŭ (u mianie byŭ mindal)
- 100 h šakaładu
- 50 h razynak
- 50 h sušanych žuravin
- cedra 1 apielsina (pa žadańni)
Jak hatavać:
1. Miakkaje masła dobra ŭźbić z cukram. Dadać jajka i znoŭ uźbić.
2. Muku źmiašać z sollu, śpiecyjami i cedraj, pastupova dadać u maślana-jaječnuju sumieś.
3. Šakaład i arechi drobna pasiačy, dadać u ciesta razam z razynkami i žuravinami, dobra pieramiašać.
Darečy, šakaładka ŭ mianie była porystaja, i tolki vyniaŭšy hatovaje piečyva z duchoŭki, ja ŭzhadała, što niedzie bačyła paradu nie ŭžyvać takija ŭ vypiečcy. Sprava ŭ tym, što porysty šakaład amal nie płavicca, tamu, kali vam važnaja ciakučaja tekstura rastoplenych kavałačkaŭ, pamiatajcie pra heta. Na smak ža jano nijak nie paŭpłyvała, piečyva z šakaładam — heta ŭsio adno piečyva z šakaładam.
4. Skrucić ź ciesta kaŭbasku dyjamietram 5-7 sm, zaharnuć u charčovuju plonku i pakłaści ŭ chaładzilnik na hadzinu (albo ŭ marazilnik na 20 chvilin).
5. Z achałodžanaha ciesta narezać piačeńki taŭščynioj 0,7-1 sm, vykłaści na blachu. Vypiakać 15-20 chvilin na 180°S.
Hatujcie taksama:
- Štolen
- Idealnyja zimovyja piernički
- Šakaładnaje piečyva z marcypanam
- Mindalnyja śniežki — niamieckaje kaladnaje piečyva
- Makavyja syrniki ŭ duchoŭcy
- Zapiečany kamambier i hrušy z błakitnym syram dy arechami
- Duchmianaje jabłyčnaje piečyva
- Košyčki ź jabłykami i šviejcarskaj mierenhaj
- Bliny z syram i zielaninaj
- Aładki ź jabłykami
- Harbuzovy kieks ź jabłykami, žuravinami i arechami
- Piečyva z žuravinami
- Jabłyčny kieks z syram