U Viflejemie paleścincy napali na kartež Patryjarcha Ijerusalimskaha Fieafiła III VIDEA
Śviatočnaja słužba ŭ Viflejemie.
Miljony pravasłaŭnych chryścijan va ŭsim śviecie ŭ niadzielu, 7 studzienia, śviatkujuć Rastvo pa julijanskim kalendary. Napiaredadni na śviatočnaje nabaženstva ŭ Viflejemie sabralisia niekalki tysiač viernikaŭ.
Učora pierad pačatkam słužby ŭ padkantrolnym paleścincam horadzie adbylisia sutyknieńni pamiž palicyjaj i pratestoŭcami, jakija raźbili šyby słužbovych mašyn z karteža Patryjarcha Ijerusalimskaha Fieafiła III, pieradaje Deutsche Welle.
Udzielniki akcyi takim čynam vykazali niezadavolenaść dziejańniami pravasłaŭnaha patryjarcha ŭ Ijerusalimie, jakoha paleścincy abvinavačvajuć u prodažy ziamielnych uładańniaŭ Izrailu.