U Vieniesuele vajskoŭcaŭ nakiravali na achovu supiermarkietaŭ FOTA
Palicyja la ŭvachodu ŭ adzin z supiermarkietaŭ Karakasa.
U Vieniesuele vajskoŭcy i supracoŭniki palicyi achoŭvajuć uvachod u supiermarkiety, dazvalajučy patrapić unutr tolki abmiežavanaj kolkaści pakupnikoŭ, pieradaje Deutsche Welle.
Adpaviednyja miery pryniatyja, u pryvatnaści, u Karakasie paśla taho, jak u horadzie Kajkara za 460 km na poŭdzień ad stalicy minimum 20 kramaŭ byli razrabavanyja i 48 čałaviek zatrymanyja za niezakonnaje prysvojvańnie tavaraŭ. Pavodle nieaficyjnych dadzienych, u chodzie incydentaŭ zahinuli dvoje.
U suviazi z katastrafičnaj inflacyjaj i niedachopam srodkaŭ u kaźnie dla zakupki tavaraŭ za miažoj, u krainie vostra adčuvajecca deficyt praduktaŭ charčavańnia. Akramia taho, zarpłaty miascovych žycharoŭ časta nie dazvalajuć im nabyć navat bazavy nabor praduktaŭ.
Ułady zahadali ŭładalnikam 26 sietak samych papularnych supiermarkietaŭ źnizić ceny na šerah pradukcyi. Uśled za hetym kala kram vystrailisia daŭžeznyja čerhi, dla padtrymańnia pravaparadku tudy nakiravali vajskoŭcaŭ.
Najbolš małazabiaśpiečanyja płasty nasielnictva majuć prava pretendavać na charčovuju dapamohu, adnak dla hetaha ŭłady pavinny zadavolić ich zapyt u piśmovaj formie.