Advakat Achmadziniežada abvierh infarmacyju pra zatrymańnie eks-prezidenta Irana
Advakat eks-prezidenta Irana Machmuda Achmadziniežada Adel Chiejdary abvierh paviedamleńni ŚMI pra zatrymańnie jaho klijenta za padtrymku pratestaŭ u haradach Isłamskaj Respubliki. Pra heta paviedamlaje TASS sa spasyłkaj na partał navinaŭ Erem news.
Machmud Achmadziniežad. Fota EPA
«Infarmacyja pra aryšt majho klijenta, byłoha prezidenta Machmuda Achmadziniežada, nie adpaviadaje rečaisnaści», — prakamientavaŭ Chiejdary publikacyi ŭ arabskaj presie. Aficyjnaha paćvierdžańnia abo abviaržeńnia z Tehierana dahetul nie pastupała.
Raniej arabskaja hazieta Al-Quds Al-Arabi, što vydajecca ŭ Łondanie, sa spasyłkaj na iranskija krynicy paviedamiła, što eks-prezident byŭ zatrymany ŭ Šyrazie. Pryčynaj, jak śćviardžała hazieta, stali zajavy palityka na antyŭradavych pratestach, jakija ŭ Tehieranie razhladajuć jak zaklik da «raspalvańnia biesparadkaŭ».