U šviedskaj palicyi nazvali pryčynu vybuchu kala mietro ŭ Stakholmie
U šviedskaj palicyi zajavili, što pryčynaj vybuchu kala mietro «Vorbiu hord» u Stakholmie siońnia dniom mahła stać detanacyja staroj ručnoj hranaty.
Fota: EPA-EFE / Henrik Montgomery
Fota: expressen.se / Alex Ljungdahl
Jak pieradaje SVT, u palicyi adznačyli, što vybuch nie byŭ naŭmysnym.
Pryłada vybuchnuła ŭ rukach u mužčyny, jaki padniaŭ nieviadomy pradmiet ź ziamli. Paźniej jon pamior u balnicy. Jaho spadarožnica była špitalizavanaja. Pa viersii palicyi, jany stali vypadkovymi achviarami.
Palicyja nie ličyć, što incydent źviazany z teraryzmam. Miesca zdareńnia ačeplena.
U pieryjad z 15 kastryčnika 2018 hoda pa 11 studzienia 2019 hoda ŭ Šviecyi ŭpieršyniu budzie prapanavana dobraachvotna zdać u ramkach amnistyi niezarehistravanyja vybuchovyja rečyvy. Takim čynam ułady imknucca adabrać u nasielnictva, u tym liku, ručnyja hranaty, jakija ŭ vialikaj kolkaści traplajuć u karaleŭstva z terytoryi byłoj Juhasłavii, adznačaje TASS.