Jak Łukašenka vyhladaje na internet-aŭkcyjonach: bejdžy, sałdaciki, zdymki i maniety
Jakija łoty, źviazanyja ź imiem kiraŭnika Biełarusi, sprabujuć pradać u internecie i kolki za tyja tavary chočuć atrymać» Na biełaruskim internet-aŭkcyjonie ay.by nie tak i šmat łotaŭ, jakija b byli źviazanyja z Alaksandram Łukašenkam.
Bejdž
Najbolš cikavy (ale i najbolš sprečny) heta bejdž Łukašenki z ustanoŭčaha schodu BRSM u 1997 hodzie. Za jaho prosiać usiaho 35 rubloŭ. Adnak niama nijakaj harantyi, što heta aryhinał, a nie zroblenaja paźniej kopija.
Zdymak Łukašenki, Kučmy, Pucina i Puhačovaj na «Słavianskim bazary» ŭ 2001 hodzie.
Na rasiejskim aŭkcyjonie mienš čym za 2 biełaruskija rubli možna nabyć kalarovy zdymak z vyjavaj troch kiraŭnikoŭ dziaržaŭ i zorki savieckaj estrady. Achvotnym treba ŭličvać, što pierasył u Biełaruś abydziecca jašče prykładna ŭ 9 rubloŭ.
Łukašenka-sałdacik
Mietaličnaja 52-milimietrovaja fihurka biełaruskaha lidara pradajecca pa źnižcy za 6,22 jeŭra na ebay.com. Čałaviečak pakazvaje kułak, ale paznać u im Łukašenku vielmi ciažka. Pradaviec sałdacika žyvie va Ukrainie.
Manieta
Padobny da maniety rasiejski žeton ź nikielu vybity da trochhodździa mytnaha źviazu, pradajecca za 20 rubloŭ. Na im źmieščana vyjava Łukašenki na tle pomnika pieramohi i mienskich viežaŭ. Heta fejkavaja manieta vybitaja ŭ 2013 hodzie niejkaj rasiejskaj pryvatnaj arhanizacyjaj. Pry hetym jana maje navat vartaść — 1 rubiel. Darečy, u RF taki žeton pradajecca za 390 rasiejskich rubloŭ (prykładna za 13 našych rubloŭ).
Łukašenka i viertalot
Piać zdymkaŭ pa $24,99 pradajucca paasobku na ebay.com adnym pradaŭcom sa Smalenska. Na dvuch možna bačyć maładoha Aleksandra Ryhoraviča, kali toj vychodzić ź viertalota MI-8, a taksama ahladaje vajskovuju techniku. Jašče na dvuch — sam pieršy bort RB i jaho ekipaž. A na piatym sfatahrafavany prezidencki eskort.
Pieradvybarčaja prahramka 2015 hoda
Usiaho adzin rubiel prosiać za 19 staronak pieradvybarčaj prahramki Łukašenki «Za budučyniu niezaležnaj Biełarusi». Achvotnych kupić jaje niama, i prahladaŭ łota było taksama vielmi mała.
Kniha «Urok otca narodov Stalina i baťki Łukašienko, ili Kak prieodoleť ekonomičieskoje otstavanije»
Vydańnie rasiejskaj prapahandy sprabuje roznymi srodkami dakazać škodnaść Zachadu. Za «tvor» Ivana Turłaja prosiać 35 rubloŭ. Hod vydańnia — 2018. Vydaviec — rasiejskaje vydaviectva «Ałhoritm».
V «lichije 90-yje», razvaliv SSSR, vrahi naroda zahnali nas v jamu, iz kotoroj my mučitielno vybirajemsia mnohije hody. Eto siensacionnoje isśledovanije nieminujemo vyzoviet istieriku u našiej «piatoj kołonny», vied́ ono dokazyvajet: čtoby nakoniec-to «podniaťsia s kolen», nužno vziať vsie samoje łučšieje iz opyta pobiednoj stalinskoj epochi. Imienno po takoj modieli dinamično raźvivajetsia sovriemiennaja Riespublika Biełaruś, lidiera kotoroj, Aleksandra Łukašienko, vśled za Stalinym błahodarnyj narod nazvał otcom svojeho Otiečiestva (baťkoj).
Łukašenka z sabakam
Taki kalandaryk vypuścili ŭ 2011 hodzie ŭ Novasibirsku. Bolš padrabiaznych źviestak, dziela čaho i kali byŭ zrobleny zdymak, niama. Pradajecca kalandaryk za 15 rasiejskich rubloŭ.