Pačaŭsia sud za apahańvańnie miemaryjała ŭ Aśviencimie. Siarod abvinavačanych biełarusy
U polskim horadzie Aśviencim 8 studzienia pačaŭsia sudovy praces pa spravie ab apahańvańni miesca pamiaci ŭ dačynieńni da 12 udzielnikaŭ akcyi, praviedzienaj kala bramy byłoha nacysckaha kancłahiera Aŭšvic. Pra heta paviedamlaje Polskaje radyjo.
24 sakavika 2017 hoda 12 udzielnikaŭ akcyi, siarod jakich byli i hramadzianie Biełarusi, kala hałoŭnaj bramy kancłahiera zabili jahnia, paviesili na bramu z nadpisam «Arbeit Macht Frei» baner «Love», raździelisia dahała i skavalisia naručnikami. Jany śćviardžajuć, što heta byŭ antyvajenny pratest.
Za apahanvańnie miesca pamiaci praduhledžanyja štraf albo pazbaŭleńnie svabody. Jašče dvum udzielnikam akcyi moža pahražać 3 hady źniavoleńnia za zabojstva jahnia.