Nasta Kudasava. ***tam, dzie leta achoŭvaje ščaścia niaŭłoŭnaha trymt…
tam, dzie leta achoŭvaje ščaścia niaŭłoŭnaha trymt,
dzie zialonaha lesu naŭściaž raskašujecca choram,
tam pa ściežkach čaroŭnych čaroŭnyja chodziać źviary,
tam dahetul žyvyja davier, spahada i soram.
łapkaj myš błasłaŭlaje muroh, a vaviorka dupło
vyściłaje luboŭju — sasny haspadarlivy probašč…
tam na ściežkach ziamnych my ziamnoje lulajem ciapło
bo nie treba ni raju, ni vyraju
tam, dzie ty pobač.