Namieśnik hałoŭnaha doktara Minskaj abłasnoj dziciačaj balnicy zatrymany za chabar
U Minskim rajonie za atrymańnie chabaru zatrymany namieśnik hałoŭnaha doktara Minskaj abłasnoj dziciačaj kliničnaj balnicy, paviedamili BIEŁTA va UUS Minabłvykankama.
Apieracyja pa zatrymańni prachodziła ŭ pasiołku Kałodziščy. «Tam namieśnik hałoŭnaha doktaru, adkazny za vyrašeńnie techničnych pytańniaŭ miedustanovy, atrymaŭ 1 tysiaču rubloŭ ad pradprymalnika. Sutnaść pytańnia zaklučałasia ŭ pryciahnieńni «patrebnaha» padradčyka dla praviadzieńnia budaŭniča-mantažnych i azdobnych prac na abjektach balnicy», - prainfarmavali va UUS.
Ustanoŭlena, što 48-hadovy zatrymany bolš za siem hadoŭ pracavaŭ va ŭstanovie achovy zdaroŭja. Ciapier vyśviatlajecca jaho prynaležnaść da inšych faktaŭ supraćpraŭnaj dziejnaści.
U dačynieńni da zatrymanaha zaviedzienaja kryminalnaja sprava pa č.1 art.430 KK (atrymańnie chabaru). Jana praduhledžvaje pazbaŭleńnie voli na termin da siami hadoŭ z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj diejatielnosťju