Na Australian Open hledačy zadražnili biełaruskuju tenisistku stohnami VIDEA
Hledačy na arenie Roda Łejviera ŭ Mielburnie pačali stohnami pieradražnivać biełaruskuju tenisistku Arynu Sabalenka padčas matču pieršaha koła Australian Open, dzie jana hulała ź miascovaj spartsmienkaj Ešli Barci. Videa było apublikavana na staroncy 7Tennis u Twitter.
Spačatku hledačy prosta kryčali ŭ momant udaraŭ Sabalenka. Sudździa na vyšcy paprasiła ich pierastać, adnak ludzi, naadvarot, pačali paŭtarać kryki biełaruskaj spartsmienki i pamiž rozyhryšami. Paśla čarhovych prośbaŭ refiery ŭ siaredzinie druhoha seta impravizavany «śpiektakl» spyniŭsia.
Barci pieramahła Sabalenka ź likam 6:7, 6 4, 6:4. Pry hetym aŭstralijka asudziła pavodziny svaich suajčyńnikaŭ.