Žančyny tłumačać, čym pierfaratar adroźnivajecca ad dryla — VIDEAapytanka
My ŭžo praviarali, ci razumiejuć mužčyny značeńnie słovaŭ chajłajtar, kłatč, ślinh, ci mohuć adroźnić koler marsała ad koleru cifani, a ciapier zładzili ŭ Minsku pravierku dla žančyn.
My zadali im dziesiać pytańniaŭ, jakija ŭ mužčyn zvyčajna nie vyklikajuć asablivych ciažkaściaŭ. Vy b zmahli na ich adkazać?
Z chodu ŭsio dakładna patłumačyć nie tak i prosta, tamu my prasili ŭdzielnic našaj videaapytanki pryvodzić roznyja asacyjacyi, sprabavać adhadać śfieru, kali na niejkim sa słovaŭ nadychodziŭ stupar.
1. Što takoje ŭdar pyram u futbole?
Heta ŭdar naskom bucy, ale ŭ prafiesijnym futbole redka vykarystoŭvajuć hety termin.
2. Što takoje afsajd?
Stanovišča «pa-za hulnioj» u futbole.
3. Što takoje karbiuratar?
Častka niekatorych bienzinavych ruchavikoŭ unutranaha zharańnia. Dziakujučy karbiurataru idzie vypareńnie i źmiešvańnie paliva z pavietram u praporcyi, nieabchodnaj dla narmalnaha zharańnia.
4. Što takoje marmyška?
Vielmi patrebnaja reč dla rybakoŭ. Heta nievialiki mietaličny hruz, što pa formie nahadvaje kroplu, u jakim zamacavany kručok i jość adtulina dla loski.
5. Što takoje pasacižy?
Šmatfunkcyjanalny ručny ślasarna-mantažny instrumient dla zacisku i zachopu trub i roznych detalaŭ.
6. Što takoje addon?
Abnaŭleńni dla kampjutarnych hulniaŭ. Bolšaść dapaŭnieńniaŭ, jakija nazyvajuć addonami, dadajuć novyja ŭzroŭni, novuju zbroju dy piersanažaŭ.
7. Što takoje drednoŭt?
Pakaleńnie vajskovych karabloŭ, što źjaviłasia ŭ pačatku 20 stahodździa.
8. Čym pierfaratar adroźnivajecca ad dryla?
Hałoŭnaje adroźnieńnie ŭ tym, što pierfaratar patrebny dla dziaŭbańnia, a ŭdarny dryl — dla śvidravańnia.
9. Što takoje bałharka?
Tak nazyvajuć vuhłavuju šlifavalnuju mašynu dla rezki mietału, kamieniu, dreva, šlifoŭki i začystki mietaličnych, cemientnych, hranitnych i marmurovych pavierchniaŭ.
10. Što złučaje pamiž saboj amierykanka?
Roznyja detali sistem trubapravodaŭ.
Hladzicie taksama: