U Kanadzie lisa sprabavała bicca z savoj, ale niešta pajšło nie tak VIDEA
Paciešny vypadak adbyŭsia ŭ horadzie Koburh na pirsie la miascovaj stajanki jacht adnym ź viečaroŭ.
Kamiera videanazirańnia źniała momant, jak pa zaśniežanaj darozie biažyć lisa i ŭ niejki momant da jaje padlataje sava, jakaja sprabuje pikiravać na drapiežnicu. Spačatku lisa prabiehła napierad, a rašučaja sava pryziamliłasia na śnieh pasiaredzinie darohi ŭ čakańni svajoj «zdabyčy».
U niejki momant rudaja drapiežnica vyrašyła viarnucca nazad i pasprabavać napaści na savu, abychodziačy jaje vakoł i čakajučy zručnaha momantu dla sutyčki. Ptuška, darečy, nie dała siabie ŭ kryŭdu i pilna sačyła za kožnym krokam palaŭničaj. Urešcie, nie vytrymaŭšy supiernictva, lisa ŭciakła preč.