Utro.Ru: Padkopy pradažnaha Minska raskrytyja
Rasijski sajt Utro.Ru apublikavaŭ materyjał z nazvaj «Padkopy pradažnaha Minska raskrytyja», u asnovie jakoha artykuł rasijskaha vajskovaha ekśpierta Siarhieja Iščanki dla sajta «Svobodnaja Priessa». U im śćviardžajecca, što aficyjny Minsk, niahledziačy na ŭsiu svaju aficyjnuju rytoryku, zajmajecca źniščeńniem sajuza Biełarusi i Rasii.
Žurnalist źviartaje ŭvahu na try padziei, jakija na pieršy pohlad nijak nie źviazanyja pamiž saboj.
Pa-pieršaje, čarkaski zavod ukrainskaj karparacyi «Bahdan» vypuściŭ braniravanyja armiejskija hruzaviki «Kozak», jakija mohuć pieravozić pa 23 vajskoŭcy.
Pa-druhoje, Ukraina prystupiła da palavych vyprabavańniaŭ apieratyŭna-taktyčnaha rakietnaha kompleksu «Hrom-2», a razam ź im pradstaviŭ samachodnuju puskavuju ŭstanoŭku ź piaćciu vosiami i kalosnaj formułaj 10 ch 10 — ničoha padobnaha Ukraina raniej nie vyrablała.
I treciaje — Rasija sfarmiravała pad Kalininhradam avijacyjny połk sa źniščalnikami Su-30SZM, usie 12 štuk, jakija jość u najaŭnaści ŭ Rasii.
Usie hetyja padziei aŭtar ličyć śviedčańniem zdrady Biełarusi ŭ adnosinach da Rasii.
Hruzaviki «Bahdan Kozak» faktyčna źjaŭlajucca biełaruskimi ciahačami MAZ-6425, sabranymi ź biełaruskich mašynakamplektaŭ u Čarkasach. Iščanka śćviardžaje, što mašynu prapanavali ŭkraincam u vieraśni 2015 hoda padčas vystavy vajskovaj techniki ŭ Kijevie. Adzinaje, što zamianili ŭ «Bohdan Kozak», — heta rasijski ruchavik jarasłaŭskaha zavoda na kitajski Weichai Power.
Siarhiej Iščanka
Kompleks «Hrom-2» taksama možna nazvać ukrainskim tolki častkova. Aŭtar śćviardžaje, što pry jaho raspracoŭcy nie abyšłosia bieź biełaruskich inžynieraŭ i kanstruktaraŭ. Ukraina maje vajskovuju vytvorčaść u Paŭłahradzie i Dniapry, tamu rakietu i sistemu naviadzieńnia ŭkrainskija śpiecyjalisty mahli zrabić i samastojna. A voś kołavaje šasi — nie.
Tolki niekalki krain u śviecie siońnia mohuć vypuskać šasi dla apieratyŭna-taktyčnych rakietnych kompleksaŭ, siarod ich jość i Biełaruś. Navat mahčymaści Rasii tut abmiežavanyja — im davodzicca zakupać u Biełarusi kołavyja šasi dla svaich «Iskanderaŭ».
Vajskovy ahladalnik namiakaje, što šasi dla Ukrainy pastaviła Biełaruś. Ukraina ŭ 2014 hodzie asvoiła vytvorčaść kołavych ciahačoŭ dla ŭstanovak «Hrad» i «Urahan», ale pieravozić na ich takija vialikija kompleksy, jak «Iskander» albo jaho anałah «Hrom-2», nielha.
Siarhiej Iščanka nahadaŭ, jak Minski zavod kołavych ciahačoŭ chacieła kupić Rasija, ale biełaruskija ŭłady patrabavali za jaho $3 miljardy, tamu ździełka nie adbyłasia.
Paprakaje rasijski žurnalist Biełaruś i za admovu raźmiaścić na svajoj terytoryi avijabazu. Aŭtar śćviardžaje, što mienavita toj połk, jaki byŭ pierakinuty pad Kalininhrad, musiŭ zaraz znachodzicca pad Babrujskam. Siarhiej Iščanka ŭpeŭnieny, što u Biełarusi i Rasii isnavała damoŭlenaść pra avijabazu pad Babrujskam.
«U kancy 2014 hoda ministr abarony Rasii Siarhiej Šajhu zajaviŭ, što z 2015 hoda pad Babrujskam buduć razhornuty 12 źniščalnikaŭ i čatyry viertaloty Mi-8. Sychodziačy z farmuloŭki, vynikała, što jak minimum pryncypovaja zhoda Minska z hetaj nahody była atrymanaja. Ale vyjaviłasia, što heta nie tak».
Rasijskija samaloty tak i nie źjavilisia ŭ Biełarusi. Navat tyja čatyry samaloty Su-27SM, jakija dysłakavalisia pad Baranavičami, pakinuli našu krainu ŭ mai 2016 hoda.
U aŭtara ŭźnikaje pytańnie:
«Heta i jość vysokija sajuźnickija adnosiny pamiž Rasijaj i Biełaruśsiu? Mienavita na heta kožny hod my pad biaskoncyja razmovy pra viekavoje siabroŭstva narodaŭ tracim miljardnyja biudžety?»