Brytanskija studenty matematyčna vyličyli aptymalny sposab narazańnia bulby
Studenty Esekskaha ŭniviersiteta, što ŭ Vialikabrytanii, pierahledzieli recept bulby pa-viaskovamu i vyličyli, jak treba rezać bulbu, kab atrymać maksimalnuju płošču chrumstkaje skarynki.
U jakaści tradycyjnaha varyjantu narezki razhladaŭsia sposab «kryž nakryž». Narezka pa raźličanym studentami sposabie (sprava) pavialičvaje płošču vonkavaj pavierchni kavałačka bulby na 65%
Bulba pa-viaskovamu hatujecca tak: narezanyja kłubni spačatku advarvajuć da hatovaści, potym krychu padsušvajuć i zapiakajuć u maśle ci tłuščy. Niepaŭtornaść stravy — u raznastajnaści tekstur: miakkaje piure ŭnutry i chrumstkaja skarynka pa krajach.
Čym bolš skarynki, tym lepš, vyrašyli studenty, i z dapamohaj matematyčnych mietadaŭ raźličyli, jak treba rezać, kab maksimalna pavialičyć vonkavuju płošču kavałka bulby pry zachavańni racyjanalnaha abjomu (kab bulba nie pieratvaryłasia ŭ čypsy).
Zaniacca takimi raźlikami studenty vyrašyli paśla taho, jak daviedalisia pra recept viadomaha ŭ Aŭstralii šef-povara Chiestana Blumientala, jaki raić pry pryhatavańni bulby pa-viaskovamu rezać jaje kryž-nakryž na čatyry kavałki, pry hetym vybirać sort bulby z najbolšym utrymańniem kruchmału.
Kab pravieryć svajo mierkavańnie, studenty zładzili ekśpierymient: jany padrychtavali dźvie sotni porcyj bulby dvuch vidaŭ narezki: pa ŭłasnym recepcie i pa recepcie Chiestana Blumientala, paśla čaho prapanavali jaje dobraachvotnikam sa studenckaha kampusa, a taksama kucharam z restarana niepadalok. Studenty prasili acanić roznyja jakaści stravy, a zatym supastavili acenki. Vyjaviłasia, što ŭsim bolš padabajecca bulba, narezanaja pa novaj mietodycy. Vyniki apytańnia pradstaŭlenyja na hraficy:
Sini koler — tradycyjnaja narezka (jak u recepcie šef-povara), čyrvony koler — narezka pavodle raźlikaŭ studentaŭ. Kryteryi acenki (źleva naprava): smak, chrumstkaść, źniešni vyhlad, ahułam.