Niekalki čałaviek zahinuła ŭ vyniku ŭrahanu ŭ Zachodniaj Jeŭropie VIDEA
U Niderłandach z-za mocnaha ŭrahanu z paryvami vietru da 140 km/h paškodžanyja budynki, parušany ruch transpartu, u tym liku ciahnikoŭ, paviedamlaje Tut.by. Amsterdamski aeraport Schipchoł - adzin z najbujniejšych u Jeŭropie — časova nie prymaje i nie adpraŭlaje rejsy.
U vyniku bury, pavodle źviestak MUS Niderłandaŭ, pad pavalenymi drevami zahinuli dva čałavieki. Śmierć jašče adnaho čałavieka taksama, jak miarkujecca, źviazanaja z buraj, adnak palicyja pakul da kanca nie ŭstanaviła abstaviny jaho hibieli.
Jak minimum adzin čałaviek zahinuŭ z-za bury ŭ Bielhii, začynieny port u Hiencie. U Niamieččynie z-za štarmavoha vietru admienienyja zaniatki ŭ škołach ŭ mnohich rehijonach. U ziamli Paŭnočny Rejn-Viestfalija spynieny čyhunačny ruch.