DAI: zaŭtra ŭviečary na dźvie hadziny pierakryjuć aŭtastradu Brest-Maskva kala vioski Abčak u napramku Rasii
Zaŭtra, viečaram 19 studzienia, ruch na adrezku aŭtadarohi Brest-Minsk-miaža Rasii ŭ rajonie vioski Abčak budzie abmiežavany, paviedamiła staršy inśpiektar pa ahitacyi i prapahandzie adździeła DAI Minskaha rajona Kaciaryna Silčanka.
Z 17.00 da 19.00 na 369-m km aŭtadarohi Brest-Minsk-miaža Rasijskaj Fiederacyi pablizu pavarotu na viosku Abčak zapłanavany śledčy ekśpierymient.
Buduć ustanaŭlivacca abstaviny DTZ. Na praciahu dvuch hadzin ruch transpartnych srodkaŭ u napramku miažy Rasii budzie pierakryty. DAI rekamienduje ŭdzielnikam darožnaha ruchu pryniać hetuju infarmacyju da viedama i arhanizavać ź jaje ŭlikam svaju pajezdku.