Minskaja milicyja šukaje kvaternaha złodzieja, jaki trapiŭ na kamieru videanazirańnia VIDEA
Minskaja milicyja prosić dapamahčy ŭ vyšuku kvaternaha złodzieja, jaki kradzie ŭ padjezdach Minskaha rajona, paviedamlaje RUUS stalicy.
U noč z 15 na 16 studzienia złamyśnik prakraŭsia ŭ mižkvaterny tambur doma pa vulicy Palavoj u pasiołku Jubilejny Minskaha rajona, adkul vykraŭ paru tuflaŭ i paru čaravikoŭ, na sumu 240 rubloŭ.
Dniom raniej hety ž čałaviek pranik u padjezd šmatkvaternaha doma ŭ vioscy Bahatyrova, dzie z kvatery adnaho z žycharoŭ vykraŭ barsietku z 25 rublami i dakumientami.
Kab trapić u padjezd mužčyna, jak miarkujuć apieratyŭniki kryminalnaha vyšuku, adciskaje łomikam mahnitny dźviarny zapor, a zatym «praviaraje» što žychary zachoŭvajuć u niezamknutych tamburach. I kali jamu heta padychodzić, zabiraje sabie. U asnoŭnym jon abmiažoŭvaŭsia abutkam, adnak kali dźviery kvatery taksama akazvałasia nie začynienymi, to złodziej zahladvaŭ i ŭ piaredni pakoj, jak heta było ŭ druhim vypadku.
Pry ździajśnieńni adnaho z kradziažoŭ, mužčyna nie ŭličyŭ, što padjezd byŭ abstalavany kamieraj videanazirańnia. Zaŭvažyŭšy hety niuans, razzłavany złamyśnik naciahnuŭ kapiušon i praciahnuŭ pošuki.
Prykmiety padazravanaha: na vyhlad 40-50 hadoŭ, rost 170-180 sm., siaredniaha ciełaskładu, apranuty ŭ kurtku ciomnaha koleru, čornyja štany, koratka stryžany, vałasy ciomnyja, nosić akulary z prastakutnymi linzami.
Milicyja prosić hramadzian, jakija paznali mužčynu, paviedamić pa telefonach: (8-017) 268-88-02, (8-033) 3810303, (8-025) 6395193, (8-029) 668-96-36.