Viciebski školnik zavajavaŭ załaty miedal mižnarodnaj alimpijady pa infarmatycy
Viciebski 11-kłaśnik Mark Karniejčyk zavajavaŭ załaty miedal u katehoryi Computer Science na XIV Mižnarodnaj Žaŭtykaŭskaj alimpijadzie pa matematycy, fizicy i infarmatycy ŭ Kazachstanie, paviedamlaje 42.tut.by.
Fota: RFMŠ Ałmaty / Facebook.com
Alimpijada prachodziła z 10 pa 16 studzienia ŭ horadzie Ałma-Aty ŭ Kazachstanie. U troch dyscyplinach spaborničali 482 školnika z 15 krain śvietu.
Mark Karniejčyk. Fota: gymn1vitebsk.schools.by
Pa vynikach spabornictvaŭ u biełaruskaj kamandy adno zołata — jaho atrymaŭ Mark Karniejčyk. Jon zaniaŭ treciaje miesca siarod bolš, čym 130 udzielnikaŭ alimpijady pa infarmatycy (załatyja miedali dastalisia 15 školnikam, jakija pakazali najlepšyja vyniki). Taksama biełaruskija školniki zavajavali 10 siarebranych i bronzavych miedaloŭ.