Cykłon, jaki zryvaŭ dachi, kulaŭ ludziej i admianiaŭ rejsy ŭ Zachodniaj Jeŭropie, u piatnicu začepić i Biełaruś
dutchnews.nl
Atmaśfiernyja franty cykłona «Frederyk», jaki vyznačaje vielmi składanyja ŭmovy nadvorja ŭ krainach Zachodniaj Jeŭropy, 19 studzienia pahoršać nadvorje i ŭ našaj krainie, paviedamlaje Biełhidramiet.
Nočču pieravažna pa paŭdniova-zachodniaj častcy krainy, ranicaj i dniom na bolšaj častcy terytoryi projdzie śnieh, mokry śnieh. U asobnych rajonach čakajecca zavirucha i słaby hałalod. Na darohach miescami hałalodzica. Viecier pieramiennych napramkaŭ, paryvisty, pa paŭdniovym zachadzie krainy miescami mocny paryvisty.
Tempieratura pavietra ŭ načnyja i ranišnija hadziny panizicca da -1..- 7°S, u druhoj pałovie dnia padvysicca da -5.. + 1°S.
20—21 studzienia Biełaruś budzie znachodzicca ŭ poli panižanaha atmaśfiernaha cisku, tamu zachavajecca zimovy charaktar nadvorja.
Nahadajem, što «Frederyk» siońnia prajšoŭsia pa Zachodniaj Jeŭropie, asabliva dastałosia Niderłandam i Hiermanii. Mocny viecier zryvaŭ dachi damoŭ, valiŭ drevy, słupy i navat ludziej. U aeraporcie «Schipchoł» u Amsterdamie byli časova admienieny rejsy, a ŭ Hiermanii častkova ciahniki.
U Niderłandach zahinuli try čałavieki.