Vyjšaŭ multfilm na biełaruskaj movie pra Mytny kodeks JEAES — VIDEA
jak vam?
Jeŭrazijskaja ekanamičnaja kamisija (JEEK) vypuściła multfilm na biełaruskaj movie pra novaŭviadzieńni Mytnaha kodeksa Jeŭrazijskaha ekanamičnaha sajuza (JEAES). Pra heta paviedamili ŭ JEEK, pieradaje hazieta «Źviazda».
Mytny kodeks JEAES nabyŭ moc 1 studzienia 2018 hoda. Jon pryjšoŭ na źmienu Mytnamu kodeksu Mytnaha sajuza, jaki dziejničaŭ z 2010 hoda.
Va ŭmovach ličbavaj ekanomiki adnym z klučavych elemientaŭ Mytnaha kodeksa JEAES staŭ kančatkovy pierachod da elektronnaha dekłaravańnia bieź nieabchodnaści pradastaŭleńnia dadatkovych dakumientaŭ na papiarovych nośbitach.
Značna skaročanyja terminy vypusku tavaraŭ. Kali dziejučym kodeksam praduhledžany maksimum u 1 pracoŭny dzień, to ŭ novym kodeksie termin vypusku skaročany da 4 hadzin, što paspryjaje najchutčejšamu prasoŭvańni tavarnych patokaŭ.
Skaročana kolkaść form mytnaha kantrolu — z 12 da 7.
Istotna pierapracavanyja pałažeńni ab pracedury svabodnaj mytnaj zony. Praduhledžana mahčymaść vyvazu rezidentami SEZ tavaraŭ, źmieščanych pad praceduru SMZ, bieź jaje zaviaršeńnia ŭ metach stvareńnia tak zvanych technałahičnych łancužkoŭ.