Lehiendarnaja dyrektarka bresckaha rynka, hierainia internet-miemaŭ, pryjšła na źjezd «Biełaj Rusi» ŭ novym vobrazie FOTAFAKT
Dyrektarka adnaho z bresckich rynkaŭ Natalla Ilnickaja dobra viadomaja karystalnikam interneta. Pahavorvali, što jana niazhrabna damaloŭvała svaju vyjavu na karparatyŭnyja zdymki. Ale Ilnickaja kateharyčna adviarhała zdahadki: maŭlaŭ, jaki fotašop, vy što?
Jaje reakcyja vyklikała chvalu fotažabaŭ.
Jak vyjaviłasia, ciapier Natalla Ilnickaja źmianiła imidž. Karespandent «Našaj Nivy» sustreŭ jaje na źjeździe «Biełaj Rusi». Bresckaja biznesvumien ŭvachodzić u abłasnuju radu «Biełaj Rusi» i trapiła ŭ skład delehacyi.
Natalja Ilnickaja. Fota Siarhieja Hudzilina.
U razmovie z karespandentam «Našaj Nivy» Natalja Ilnickaja zapeŭniła, što na źjeździe joj vielmi spadabałasia. Jana vitaje abrańnie Hienadzia Davydźki novym staršyniom arhanizacyi.