Sioleta pačynajecca vychad poŭnaha zboru tvoraŭ Janki Bryla
Pieršyja dźvie knihi 10-tomnika tvoraŭ Janki Bryla buduć vydadzienyja ŭ hetym hodzie, paviedamiła zahadčyca adździeła vydańniaŭ i tekstałohii Centra daśledavańniaŭ biełaruskaj kultury, movy i litaratury NAN Alena Vasilevič, pieradaje BiełTA.
Tamy, jakija vydajucca ŭ hetym hodzie buduć uklučać apaviadańni. Zbor tvoraŭ Janki Bryla rychtujecca z ulikam litaraturnaha zaviaščańnia piśmieńnika, jakoje apublikujuć u pieršym tomie.
Padrychtoŭkaj vydańnia zajmajecca «Mastackaja litaratura», i, jak adznačyŭ jaho dyrektar Alaksandr Badak, heta niapraŭda, što zbory tvoraŭ siońnia nie ŭ modzie. Mastackaja litaratura i kłasika zapatrabavanaja čytačom, i jašče da vychadu čarhovaha toma ŭ vydaviectva źviartajucca ludzi jakija cikaviacca, jak chutka i dzie možna nabyć novy zbor.