Jak vyratavać Kastryčnickuju płošču ŭ Minsku? Kancept maładych architektaraŭ uražvaje FOTA
Maładyja architektary z majsterni Level 80 Architects, zychodziačy z kancepcyi histaryčnaj zabudovy rajonu sioniašniaj Kastryčnickaj płoščy ŭ Minsku, prapanavali ŭražvajučy kancept vyratavańnia prastoravaj simietryi hetaha kavałka stalicy.
HLADZIEĆ Z ANIMACYJAJ NA SAJCIE MAJSTERNI
Kaliści na miescy siońniašniaj płoščy była zabudova, što składałasia z kamianicaŭ, źniščanych padčas Druhoj suśvietnaj. Architektary prapanujuć častkova adnavić davajennuju strukturu vulic i zbałansavać vyhlad abodvuch bakoŭ płoščy, uraŭnavažyŭšy ich.
Na dadzieny momant haradskija ŭłady schilajucca da pabudovy ŭ hetym miescy psieŭdakłasicystyčnaha budynku, jaki namahajecca pieraasensavać vyhlad susiedniaha Pałacu prafsajuzaŭ u styli «stalinski ampir 21 stahodździa». Hety prajekt — na dumku architektaraŭ Level 80 — zanadta eklektyčny.
I tamu jany prapanujuć try varyjanty alternatyŭnaj zabudovy: kansiervatyŭny, prahresiŭny i dynamičny. A taksama zaprašajuć ŭsich nieabyjakavych vykazvacca i dziejničać, kab vyratavać architekturny ansambl šmatpakutnaj Kastryčnickaj płoščy.
Kansiervatyŭny kancept. Hrafika Level 80 Architects
Prahresiŭny kancept. Hrafika Level 80 Architects
Dynamičny kancept. Hrafika Level 80 Architects
A jak vam? Vykazvajciesia ŭ kamientach.
A heta analityčnyja schiemy prastory, raspracavanyja architektaram-restaŭrataram Navukova-prajektnaha centra «Restabilis» Ramanam Zabieła. Prapanova rehienieracyi (ŭliku) histaryčnych vulic taksama naležyć jamu.