Francuz pražyŭ dva miesiacy biez tvaru, čakajučy pierasadki novaha
Francuz, u jakoha adbyłosia nieprymańnie novaha tvaru praź siem hadoŭ paśla pierasadki, atrymaŭ druhi tvar ad inšaha donara. Heta pieršy vypadak, kali chirurhi praviali paŭtornuju pierasadku tvaru, paviedamlaje The Telegraph.
40-hadovy francuz pražyŭ amal dva miesiacy biez tvaru. Uvieś hety čas jon znachodziŭsia na aparacie žyćciezabieśpiačeńnia ŭ štučnaj komie. Apieracyja pa pierasadcy ciahnułasia ceły dzień. Pavinna prajści niekalki tydniaŭ, pierš čym daktary zmohuć skazać, ci była paśpiachovaja druhaja transpłantacyja, ale jany spadziajucca, što heta — praryŭ, jaki dazvolić i nadalej zamianiać tvary pacyjentaŭ, jakija pakutujuć na nieprymańnie.
Chirurhi padčas praviadzieńnia apieracyi. Fota: Christopher Furlong
Transpłantacyja tvaru — redkaja apieracyja ź vielmi vialikim adsotkam nieprymańnia. Historyi viadoma pa mienšaj miery šeść vypadkaŭ śmierci pacyjentaŭ paśla hetaj pracedury, jakaja ciahnie za saboj pažyćciovuju zaležnaść ad preparataŭ, jakija zabiaśpiečvajuć abaronu ad nieprymańnia čužarodnaha orhana, ale mocna paharšajuć imunitet i robiać čałavieka bolš uraźlivym da infiekcyj i raku.
Transpłantacyja moža dapamahčy achviaram niaščasnych vypadkaŭ i napadaŭ adnavić asnoŭnyja funkcyi, takija jak dychańnie, charčavańnie, havorka i vyražeńnie emocyj.