Biełaruskich žančyn kličuć valić les za hodny zarobak
Ekśpierymientalnaja žanočaja hrupa pa padrychtoŭcy mašynistaŭ šmatapieracyjnych lesanarychtoŭčych mašyn (farvardaraŭ i charviestaraŭ) ciapier kamplektujecca ŭ Respublikanskim centry pavyšeńnia kvalifikacyi kirujučych rabotnikaŭ i śpiecyjalistaŭ lasnoj haspadarki.
Śpiecyjalisty spadziajucca, što ekśpierymient projdzie paśpiachova, bo žančyn časta adroźnivaje ŭvažlivaść, akuratnaść i aščadnaść.
Pretendentkam treba prosta mieć paśviedčańnie traktarysta-mašynista z adznakaj z dazvołam kiravać traktarami i mašynami katehoryi «V», a taksama miedycynskuju daviedku adpaviednaha ŭzoru.
Navučańnie pačniecca, jak tolki buduć ukamplektavanyja hrupy (minimum 12 čałaviek), jano zojmie ŭsiaho niekalki tydniaŭ.
U Respublikanskim centry pavyšeńnia kvalifikacyi kirujučych rabotnikaŭ i śpiecyjalistaŭ lasnoj haspadarki nie zmahli nazvać zarobak, na jaki zmohuć pretendavać dziaŭčaty. Adnak manitorynh u internecie vakansij apierataraŭ charviestaraŭ i farvardaraŭ daje ličby ad 1 da 4,5 tysiačy rubloŭ u zaležnaści ad kvalifikacyi.