U Hrodnie zatrymali machlara, jaki pierapradavaŭ kvatery, a ich uładalnikaŭ vysialaŭ u hłuchija vioski
Upraŭleńnie Śledčaha kamiteta pa Hrodzienskaj vobłaści zaviało kryminalnuju spravu i zatrymała žychara Hrodna Hlindu Viktara Kazimiraviča, 1965 hodu naradžeńnia. Jon abvinavačvajecca ŭ ździajśnieńni machlarstva, u tym liku ŭ asabliva bujnym pamiery (č.3 i 4 art.209 Kryminalnaha kodeksa Respubliki Biełaruś), paviedamlaje pradstaŭnik USK pa Hrodzienskaj vobłaści Siarhiej Šaršanievič.
Fota: Śledčy kamitet
Śledčyja ŭstanavili, što zatrymany nabyvaŭ kvatery, damy i ziamielnyja ŭčastki ŭ hramadzian, jakija viaduć asacyjalny ład žyćcia, pieraafarmlaŭ ich na padstaŭnych asob, a zatym pradavaŭ pa zavyšanym košcie. Z pradaŭcami nieruchomaści raźlikaŭ nie pravodziŭ ci ažyćciaŭlaŭ apłatu častkova, pierasialajučy byłych uładalnikaŭ u addalenyja vioski Hrodzienskaha rajona, albo pakidaŭ ich zusim biez žylla. U spravie niekalki takich epizodaŭ.
Raniej Viktar Hlinda užo byŭ sudzimy za machlarstva i niezakonnuju pradprymalnickuju dziejnaść, źviazanyja z anałahičnymi dziejańniami pa zavałodańni čužoj nieruchomaściu.
U dačynieńni da jaho abranaja miera strymańnia ŭ vyhladzie zaklučeńnia pad vartu. Hramadzianie, jakija paciarpieli ad dziejańniaŭ Hlindy V.K., mohuć źviartacca pa telefonach: (8-015) 72-41-37, 72-40-40 abo 102.