Akademija navuk nazvała «Navukoŭcam hoda — 2017» Emiliju Kałamijec. Za jakija dasiahnieńni?
Zvańnie «Navukoŭca hoda NAN Biełarusi — 2017» prysvojena hienieralnamu dyrektaru DNVA «Chimičny sintez i bijatechnałohii», dyrektaru Instytuta mikrabijałohii Emilii Kałamijec. Ab pryniaćci takoha rašeńnia paviedamili BIEŁTA ŭ pres-słužbie Akademii navuk.
Fota: nasb.gov.by
Emilija Kałamijec zajmajecca daśledavańniami ŭ halinie mikrabijałohii i bijatechnałohij, źjaŭlajecca členam-karespandentam NAN, doktaram bijałahičnych navuk.
Siarod dasiahnieńniaŭ Kałamijec ukazvajecca stvareńnie kalekcyi mikraarhanizmaŭ, pierśpiektyŭnych dla raspracoŭki prabijotykaŭ i karmavych dabavak, a taksama raspracoŭka technałohij stvareńnia dezinfikujučych i imunastymulujučych preparataŭ.
Pa jaje inicyjatyvie byŭ stvorany centr analityčnych i hienna-inžyniernych daśledavańniaŭ, a taksama raspačataja vytvorčaść bijapreparataŭ, raźličanych na ekspart.
Kałamijec — aŭtar bolš jak 460 navukovych prac, u tym liku čatyroch manahrafij, 357 artykułaŭ, 22 patentaŭ na vynachodnictvy.
Pačynajučy z 2018 hoda zvańnie «Navukoŭca hoda Nacyjanalnaj akademii navuk Biełarusi» budzie prysudžacca štohod napiaredadni Dnia biełaruskaj navuki.