Jepiskap RPC nazvaŭ Pucina «ciemraj» i zaklikaŭ «nie hałasavać za ciemru»
Jepiskap RPC ŭpieršyniu publična zaklikaŭ nie hałasavać na majučych adbycca ŭ sakaviku prezidenckich vybarach za Uładzimira Pucina i nazvaŭ kiraŭnika RF «ciemraj». Heta źviazana z niadaŭniaj zajavaj Pucina pra padabienstva mumii Uładzimira Lenina ŭ maŭzalei z moščami śviatych, a Biblii — z Kodeksam budaŭnika kamunizmu, paviedamlaje newsru.com.
U ciapierašni čas archijerej pražyvaje ŭ rodnym Išymie (Ciumienskaja vobłaść), słužyć u katedralnym sabory i aktyŭna kamientuje hramadska-palityčnyja padziei ŭ krainie na svajoj staroncy ŭ sacsietcy «Ukantakcie».
U zapisie ad 15 studzienia jepiskap Jeŭcichij paćvierdziŭ, što nie źbirajecca hałasavać za Pucina z-za jaho niepachvalnych zaŭvah na adras Piatra Stałypina. A taksama abvinavaciŭ prezidenta RF u biezadkaznaści i bluźnierstvie.
«Voś hladzicie, Lenina pakłali ŭ maŭzalej. Čym heta adroźnivajecca ad moščaŭ śviatych dla pravasłaŭnych, dy prosta dla chryścijan? Kali mnie kažuć, što nie, što ŭ chryścijanstvie niama takoj tradycyi, — nu jak ža niama, u Afon jedźcie, pahladzicie, tam moščy śviatyja jość, dy i ŭ nas voś tut taksama śviatyja moščy», — pracytavaŭ archirej vykazvańnie Pucina.
Kamientujučy rezanansnuju zajavu, jepiskap pryvioŭ cytatu z Nahornaj propaviedzi Chrysta ab tym, što «kali toje, što vy ličycie ŭ sabie śviatłom, jość ciemra, tady jakaja ž vaša ciemra?!» i zajaviŭ, što nie źbirajecca «hałasavać za ciemru» abo kamuści raić zrabić heta.
Rašeńniem Śviatoha Sinoda RPC u 2007 hodzie jon byŭ pryznačany jepiskapam Damadziedaŭskim, vikaryjem Maskoŭskaj jeparchii, z daručeńniem časovaha kiravańnia byłymi prychodami Ruskaj Zamiežnaj carkvy na praciahu piaci pierachodnych hadoŭ. U 2012 hodzie pa stanie zdaroŭja adpraŭleny na spačynak z pravam słužeńnia na patryjaršym padvorji.
Jepiskap Jeŭcichij u Išymie. Fota — Ortho_Films
U rodnym Išymie 62-hadovy jepiskap Jeŭcichij viadomy svaimi ekstravahantnymi pavodzinami, jakija miažujuć ź jurodztvam. Tak, naprykład, jon žyvie na zvanicy, śpić na kufry i zajmajecca ciažkaj fizičnaj pracaj. U sacsietcy «Vkontaktie» u jaho bolš za 3,2 tysiačy siabroŭ i bolš za 700 padpisčykaŭ. U 2012 hodzie Jeŭcichij zaklikaŭ hałasavać za Pucina.
***