Kanhres ZŠA adchiliŭ plan vyratavańnia ekanomiki
Fondavyja rynki adreahavali imhnienna. Indeks Dow Jones abvaliŭsia amal na 780 punktaŭ, na fondavaj biržy ŭ ZŠA palacieli uniz akcyj 3073 kampanij.
Realizacyja planu, jaki praduhledžvaje nabyćcio ŭradam biezzvarotnych daŭhoŭ bujnych finansavych kampanij, abyšłasia b amerykanskamu padatkapłatniku ŭ 700 młrd dalaraŭ.
Za «Akt ab nadzvyčajnaj ekanamičnaj stabilizacyi 2008 hodu» prahałasavali 207 členaŭ pałaty pradstaŭnikoŭ, suprać ‑‑ 226.
Suprać zakonaprajektu hałasavali, zbolšaha, respublikancy, za ‑‑ demakraty.
Bolšaść zakanadaŭcaŭ uličyli toj fakt, što mnohija amerykancy ličać plan dapamohi Uoł‑strytu sprobaj vyratavać bankiraŭ za košt prostych hramadzianaŭ. A pakolki ŭ listapadzie projduć nia tolki vybary prezydenta, ale ŭ i zakanadaŭčyja orhany, kanhresmeny vymušanyja dziejničać tak, kab nie nanieści ŭron svajoj papularnaści siarod vybarcaŭ.
Finansavyja rynki ZŠA imhnienna adreahavali na padziei ŭ Kanhresie.
Indeks Dow Jones abvaliŭsia amal na 780 punktaŭ, na fondavaj biržy ŭ ZŠA kurs akcyj 3073 kampanij abvaliŭsia i tolki 162 uźniaŭsia.
Adreahavali taksama rynki Eŭropy i Azii. Japonski indeks Nikkey upaŭ da samaha nizkaha pakazčyka z červienia 2005 hodu, zhubiŭšy 483,75 punkta ci 4,1%. Indeksy fondavych placovak Eŭropy taksama palacieli ŭniz