Łondanski «Arsienał» abviaściŭ pra samy darahi tranśfier u svajoj historyi
28-hadovy habonski forvard dortmundskaj «Barusii» Pjer-Emieryk Abamiejanh padpisaŭ doŭhaterminovy kantrakt z łondanskim «Arsienałam», paviedamlaje aficyjny sajt brytanskaha kłuba. Suma tranśfieru skłała rekordnyja ŭ historyi «Arsienała» €63 młn.
Raniej samym darahim navičkom łondanskaj kamandy byŭ francuzski napadajučy Alaksandr Lakazet. Minułym letam jon pierajšoŭ u «Arsienał» z «Lijona» za €60 młn.
U minułym siezonie haboniec zabiŭ za «Barusiju» 40 miačoŭ u 46 hulniach va ŭsich turnirach. 31 hoł u čempijanacie Niamieččyny dazvoliŭ jamu stać najlepšym bambardziram bundeślihi.
Alaksandr Hleb pierajšoŭ u «Arsienał» sa «Štutharta» letam 2005 hodzie za 15 młn jeŭra