SK zatrymaŭ saŭładalnika sietki kram rybnych dalikatesaŭ
Supracoŭniki pravaachoŭnych orhanaŭ u aŭtorak zatrymali dyrektara i saŭładalnika sietki kram astudžanaj ryby i morapraduktaŭ «Džon Dory» pa padazreńni va ŭchileńni ad vypłaty padatkaŭ. Hetuju infarmacyju TUT.BY paviedamiła krynica i paćvierdzili ŭ SK.
«Zatrymali jaho ŭ aŭtorak u pieršaj pałovie dnia ŭ ofisie ŭ Minsku. Kažuć, finansavyja pretenzii, praŭda, niaznačnyja pa sumie, byli jašče ŭ listapadzie», — adznačyła krynica.
TAA «Džon Dory» było stvorana ŭ 2009 hodzie. Kampanija śpiecyjalizujecca na pastaŭkach achałodžanaj ryby i morapraduktaŭ. U jaje pracavała siem kropak u Minsku, u asnoŭnym u hipiermarkietach Green. Kramy ŭ ProStore z 4 studzienia hetaha hoda spynili svaju pracu. Pracuje taksama dastaŭka na dom i aptovy prodaž.