Krynica ŭ Maskvie puściła tumanu
Na pieramovach Ŭładzimira Pucina ŭ Biełarusi 6 kastryčnika ceny na haz i vydzialeńnie kredytu nia buduć uviazvacca z pryznańniem Biełaruśsiu niezaležnaści Asiecii i Abchazii abo ź niejkim inšym pytańniem, ćvierdzić krynica RIA «Novosti» ŭ rasijskim uradzie.
Na pieramovach premjer‑ministra Rasii Uładzimira Pucina ŭ Minsku 6 kastryčnika ceny na haz i vydzialeńnie kredytu nie buduć uviazvacca z pryznańniem Biełaruśsiu niezaležnaści Paŭdniovaj Asiecii i Abchazii abo ź niejkim inšym pytańniem, śćviardžaje krynica RIA «Novosti» ŭ rasijskim uradzie.
«Pytańnie ab pryznańni Minskam Paŭdniovaj Asiecii i Abchazii abmiarkoŭvacca na pieramovach nie budzie», — zajaviŭ surazmoŭca ahienctva.
U. Pucin prybudzie ŭ Minsk dla ŭdziełu ŭ pasiadžeńni Savieta ministraŭ Sajuznaj dziaržavy. Čakajecca, što rasijski premjer‑ministr praviadzie pieramovy sa svaim biełaruskim kaleham Siarhiejem Sidorskim, a taksama z Alaksandram Łukašenkam.
U składzie rasijskaj delehacyi Minsk naviedajuć pieršy vice‑premjer Ihar Šuvałaŭ, vice‑premjer, ministr finansaŭ Alaksiej Kudryn, ministr enierhietyki Siarhiej Šmatko, dyrektar FSB Alaksandr Bortnikaŭ, kiraŭnik Fiederalnaj mytnaj słužby Andrej Bieljaninaŭ i inšyja členy ŭrada, paviedamlaje RIA «Novosti» sa spasyłkaj na krynicu.
Najbolš važnymi pytańniami stanuć, jak čakajecca, pytańni pastaŭki rasijskaha hazu ŭ krainu, a taksama pradastaŭleńnia Biełarusi novaha kredytu.
«Formuła cany na haz była ŭzhodniena ź biełaruskim bokam jašče ŭ śniežni 2006 hoda. Jana praduhledžvaje paetapnaje pavyšeńnie. Tak, u 2008 hodu cana składaje 67 % ad rynkavaj, u 2009 hodzie — 80 %, u 2010 hodzie — 90 %. Ciapier u Minsku prapanujuć pierahledzieć hetyja ŭmovy», — zaznačyła krynica.
U Biełarusi, pavodle jaje słoŭ, vykazali zacikaŭlenaść u atrymańni 2 młrd. dołaraŭ, adnak suma kredytu, a taksama ŭmovy i terminy jaho vydzialeńnia nieabchodna vyznačyć padčas pieramoŭ, jakija praviadzie A. Kudryn.
U kancy 2007 hoda Biełaruś i Rasija padpisali pahadnieńnie ab vydzialeńni Minsku 15‑hadovaha stabilizacyjnaha kredytu abjomam 1,5 młrd. dołaraŭ pa staŭcy LIBOR + 0,75% ź piacihadovaj adterminoŭkaj płaciažu pa asnoŭnym doŭhu. Biełaruś zapytvała hetyja srodki, u pryvatnaści, na apłatu enierhapastavak. Čakajecca, što druhi kredyt, vydzialeńnie jakoha ciapier abmiarkoŭvajecca, pojdzie na padtrymku handlovaha i płaciožnaha bałansu krainy.