Pucin prylacieŭ
abnoŭlena
Jon pryziamliŭsia - dzie b vy dumali? - u Smalavickim rajonie. Adrazu pa prylocie Pucin vielmi stanoŭča vykazaŭsia nakont vybarčaj kampanii ŭ Biełarusi. «Ich vynik śviedčyć pra toje, što palityka, jakuju vy pravodzicie, karystajecca padtrymkaj narodu», - skazaŭ jon Łukašenku.
Premjer‑ministar Rasiei Ŭładzimier Pucin prylacieŭ u Biełaruś dla ŭdziełu ŭ pasiedžańni Savieta Ministraŭ sajuznaj dziaržavy Biełarusi i Rasiei.
Jaho samalot ščaśliva pryziamliŭsia ŭ Nacyjanalnym aeraporcie «Miensk», pieradaje naŭprost sa Smalavickaha rajonu karespandent BIEŁTA.
Uładzimier Pucin, jakomu zaŭtra spoŭnicca 56 hadoŭ, mieŭsia sustrecca sa svaim biełaruskim kaleham Siarhiejem Sidorskim, ale j zaplanavana sustreča z Alaksandram Łukašenkam.
***
Staršynia rasiejskaha ŭradu dobra vykazaŭsia nakont parlamenckich vybaraŭ, što prajšli ŭ Biełarusi 28 vieraśnia.
«Vybary ŭ Biełarusi prajšli na vysokim arhanizacyjnym i palityčnym uzroŭni. Ich vynik śviedčyć pra toje, što palityka, jakuju vy pravodzicie, karystajecca padtrymkaj narodu», ‑‑ zajaviŭ Pucin padčas sustrečy z Alaksandram Łukašenkam.
***
Sajuznym adnosinam Rasii i Biełarusi treba nadać niejki dadatkovy impuls, zajaviŭ Alaksandr Łukašenka siońnia na sustrečy z Uładzimiram Pucinym, paviedamlaje BIEŁTA
"My možam kanstatavać, što usio ŭ Sajuznaj dziaržavie idzie tak, jak i pavinna być: cicha, nieprymietna, zvyčajna, - skazaŭ Prezident. - Ale ŭsio ž jość peŭnaje niedastatkovaje razumieńnie z boku ludziej. Ludzi čakajuć niečaha bolš peŭnaha".
***
Kiraŭnik dziaržavy padkreśliŭ, što adnosiny Biełarusi i Rasii zaŭsiody buduć dobrymi i družalubnymi.
"Sioj-toj u ŚMI pačaŭ namiakać na toje, što Biełaruś byccam by pačynaje tarhavacca z Zachadam, - skazaŭ Prezident. - Ja ŭžo havaryŭ pradstaŭnikam Zachadu i havaru ciapier vam: my družbaj z ruskimi nie handlujem". Alaksandr Łukašenka padkreśliŭ: "Rasijanie - heta našy ludzi, ź jakimi ŭ nas zaŭsiody buduć zachoŭvacca takija adnosiny, jakija zdolny zabiaśpiečyć biaśpieku našych narodaŭ i dynamičnaje raźvićcio našych dziaržaŭ".
U svaju čarhu Uładzimir Pucin zajaviŭ, što Rasija hatova akazvać Biełarusi nieabchodnuju padtrymku, u tym liku padtrymku biełaruskaj finansavaj sistemy. Premjer-ministr RF vykazaŭ zhodu z Prezidentam Biełarusi ŭ tym, što pravilnym budzie skancentravać administracyjnyja i finansavyja resursy na najbolš pierśpiektyŭnych prajektach. Pry hetym jon vykazaŭ pažadańnie, kab heta byli, pierš za ŭsio, prajekty ŭ śfiery vysokich technałohij.
"Kali havaryć ab tym, čaho čakajuć ad nas našy hramadzianie, to, pierakanany, jany čakajuć paśladoŭnaj pravilnaj ekanamičnaj raboty, jakaja mieła b dobry sacyjalny efiekt i pazityŭna adbivałasia b na ich dabrabycie", - ličyć kiraŭnik rasijskaha ŭrada.
Uładzimir Pucin vykazaŭ upeŭnienaść, što Biełaruś i Rasija zmohuć i ŭ dalejšym paśpiachova vyrašać usie pytańni, što ŭźnikajuć u dvuchbakovych adnosinach, jak na ŭzroŭni vykanaŭčaj ułady, tak i zakanadaŭčaj.
Rasijski premjer taksama adznačyŭ, što "parłamienckija vybary ŭ Biełarusi prajšli na vysokim arhanizacyjnym i palityčnym uzroŭni"