Polšča adskočyła
Naša zachodniaja susiedka zachavavała za saboj prava praviadzieńnia Euro‑2012.
Futbolnym uładam Polščy udałosia paźbiehnuć sankcyj z boku FIFA i UEFA, jakija mahli b być nakładzienyja siońnia ŭ suviazi z umiašalnictvam dziaržavy ŭ spravy nacyjanalnaj federacyi.
Zhodna z ultymatumam UEFA, papiarednija kiraŭniki Polskaj federacyi futbołu, niadaŭna adchilenyja ad pracy arbitražnym sudom alimpijskaha kamitetu krainy, pavinny byli siońnia viarnucca na svaje pasady da 12:00 pavodle siarednieeŭrapiejskaha času. U advarotnym vypadku Polšča mahła pazbycca prava na praviadzieńnie Euro‑2012, a zbornaja ryzykavała atrymać techničnyja parazy ŭ adboračnych matčach ČS‑2010 u matčach suprać Čechii i Słavakii, zaplanavanych na 11 i 15 kastryčnika adpaviedna.
Adchileny prezydent Polskaj federacyi futbołu Michał Listkievič paviedamiŭ, što jamu i ministerstvu sportu krainy ŭdałosia znajści kampramisnaje rašeńnie,jakoje dazvolić bakam «z honaram vyjści z sytuacyi».
«Jano praduhledžvaje istotnyja źmieny ŭ zakanadaŭstvie, što rehuluje dziejnaść našaj federacyi».