Zamiežnyja aktrysy, zatrymanyja ŭ mienskim aeraporcie, vylecieli ŭ Amsterdam
Jany jechali ŭ Miensk na zaprašeńnie Svabodnaha teatru.
Pra heta paviedamiŭ kiraŭnik «Svabodnaha teatra» Mikałaj Chalezin. Pavodle jaho słoŭ, amierykanka Stefani Pan i aŭstralijka Ester Muhambi paśla 20 hadzin znachodžańnia ŭ aeraporcie zmahli vylecieć u Amsterdam praz Prahu.
Nahadajem, aktrysy prylacieli ŭ Minsk pa zaprašeńni biełaruskaha «Svabodnaha teatra» 5 kastryčnika. Jany pavinny byli na praciahu tydnia repietavać śpiektakli ŭ ramkach prajektu Eurepica.
Adnak pa prylocie ŭ Biełaruś jany byli zatrymanyja ŭ aeraporcie «Minsk». Jak zajaviŭ načalnik pres‑centra Dziaržaŭnaha pamiežnaha kamiteta Alaksandr Ciščanka, zamiežnyja hramadzianki nie byli prapuščanyja na terytoryju Biełarusi, pakolki nie mieli viz.