Kiraŭnik Minprama vyjechaŭ na BMZ dla arhanizacyi apieratyŭnaha štaba pa likvidacyi nastupstvaŭ uzharańnia
Fota MNS
Ministr pramysłovaści Vital Voŭk vyjechaŭ na AAT «Biełaruski mietałurhičny zavod» dla arhanizacyi apieratyŭnaha štaba pa likvidacyi nastupstvaŭ uzharańnia na pradpryjemstvie. Pra heta BIEŁTA paviedamiŭ pres-sakratar Ministerstva pramysłovaści Uładzimir Padalak.
«Ministr siońnia ranicaj vyjechaŭ na BMZ dla arhanizacyi apieratyŭnaha štaba pa likvidacyi nastupstvaŭ uzharańnia na pradpryjemstvie», — skazaŭ Uładzimir Padalak.
Jak paviedamlałasia, uzharańnie adbyłosia viečaram 5 sakavika ŭ kabielnym tuneli. Paśla prybyćcia da miesca vykliku ŭ 20.40 ratavalnikami vyjaŭlena mocnaje zadymleńnie. U vyniku pažaru paškodžana 30 600 pahonnych mietraŭ izalacyi elektryčnych kabielaŭ. Pažar byŭ likvidavany, paciarpiełych niama.