U Minsku zatrymali mužčynu, jaki čaplaŭsia ŭ padjeździe da 17-hadovaj pieršakurśnicy
Milicyja zatrymała mužčynu, jakoha padazrajuć u chulihanskich dziejańniach seksualnaha charaktaru ŭ dačynieńni da 17-hadovaj pieršakurśnicy. Jon prystavaŭ da jaje ŭ padjeździe 14 lutaha, paviedamlaje HUUS Minharvykankama.
Achviaru mužčyna zaprykmieciŭ, kali jana vychodziła ź mietro. Dalej jon pajšoŭ za joj da doma pa vulicy Kuncaŭščyna. Kali dziaŭčyna zajšła ŭ padjezd, jon prycisnuŭ jaje da ściany i pačaŭ prystavać. Studentka akazała aktyŭny supraciŭ i zakryčała, paśla čaho napadnik uciok. Doma spałochanaja dziaŭčyna raspaviała baćkam, a tyja paviedamili ŭ milicyju.
U hety ž dzień padazravanaha zatrymali. Jon pracavaŭ śpiecyjalistam pa ramoncie kampjutaraŭ u adnoj z pryvatnych firmaŭ, a taksama raniej pryciahvaŭsia da kryminalnaj adkaznaści za ŭčynieńnie bolš za 20 anałahičnych epizodaŭ na terytoryi stalicy.
- U dačynieńni da zatrymanaha zaviedziena kryminalnaja sprava pa č.2 art. 339 Kryminalnaha kodeksa Respubliki Biełaruś «Chulihanstva»). Jamu pahražaje pakarańnie ŭ vyhladzie pazbaŭleńnia voli na termin da 6 hadoŭ. Pravodziacca dalejšyja raźbiralnictvy, —raspaviali ŭ Frunzienskim RUUS.
Akramia hetaha, u pravaachoŭnych orhanaŭ jość padstavy mierkavać, što hety mužčyna moža być datyčny da ździajśnieńnia anałahičnych złačynstvaŭ u dačynieńni da inšych dziaŭčat.