U Lidzie 25 sakavika projdzie sumiesny z uładami kancert
Vialiki kancert da 100-hodździa BNR projdzie ŭ Lidzie 25 sakavika. Za pieršuju jahonuju častku adkazvajuć miascovyja ŭłady, za druhuju — hramadskija aktyvisty.
Kancert zapłanavany na 16.00 u vialikaj zali historyka-mastackaha muzieju, na pieršym paviersie. «Impreza budzie ładzicca haradskimi ŭładami. Druhaja častka za nami. My zaprosim paetaŭ ź lidskaj litaraturnaj supołki «Sukviećcie», muzykaŭ», — raspavioŭ sajtu ryx.by siabra Ruchu «Za Svabodu» Siarhiej Pantus.
Pa damoŭlenaści z uładami na kancercie budzie tolki simvolika śviatkavańnia, arhanizatary z boku hramadskaści ŭžo zamovili vialiki banier z łahatypam śviata.
«Na maju dumku, toje, što ŭłady vystupajuć inicyjatarami i arhanizatarami mierapryjemstva, prynamsi ŭ Lidzie, heta dobra. Zrešty, da hetaha my i imknulisia. Ale hałoŭnaja meta heta ŭsio ž taki ludzi, hramadstva. I dobra razumiejučy, što ŭłady iduć na taki krok vymušana i pad upłyvam źniešnich abstavin, ja miarkuju heta pazityŭnym sihnałam i vitaju heta. Heta daje mahčymaść kansalidavać hramadstva na nacyjanalnych kaštoŭnaściach. Choć, paŭtarusia, ŭłady pajšli na taki krok vymušana. Ale tendencyja, spadziajusia, zachavajecca», - zaklučyŭ Siarhiej Pantus.