U Minsku pravierać jakaść charčavańnia ofisnych rabotnikaŭ
U Minsku projdzie maštabnaja inicyjatyva pa pavyšeńni jakaści charčavańnia nie doma «Cudoŭna pierakusić z Exponenta». Na pieršym etapie daktary-dyjetołahi naviedajuć ofisy bujnych kampanij i pravierać, nakolki karysnyja ssabojki i abiedy ofisnych rabotnikaŭ. Sacyjalny prajekt realizuje vytvorca abahačanych białkom napojaŭ Exponenta.
Niezvyčajnaja inicyjatyva projdzie z 20 pa 30 sakavika. Śpiecyjalisty pabyvajuć u ofisach viadomych staličnych kampanij. Kožny achvotny zmoža biaspłatna prakansultavacca ŭ dyjetołaha, prajści bijaimpiedansny analiz i sfarmavać racyjon charčavańnia, zychodziačy ź indyvidualnych asablivaściaŭ arhanizma. Dyjetołah taksama pravieryć ssabojki supracoŭnikaŭ, u tym liku nakolki jany kałaryjnyja i zbałansavanyja pa suadnosinach białkoŭ, tłuščaŭ i vuhlavodaŭ. Taksama projdzie kruhły stoł pa asnovach zdarovaha charčavańnia ŭ farmacie «pytańnie-adkaz».
«Revizija» ofisnych ssabojek zakranie kampanii z roznych halin. Heta dazvolić sabrać dadzienyja ab jakaści ofisnaha charčavańnia i vyvučyć asnoŭnyja prablemy. Akramia ssabojek, śpiecyjalisty pravierać jakaść abiedziennych kompleksaŭ — u tych vypadkach, kali ŭ ofisach dziejničajuć ułasnyja stałovyja abo praktykujecca dastaŭka ježy. Paśla buduć padrychtavany rekamiendacyi i łajfchaki pa pavyšeńni jakaści ofisnaha charčavańnia.
Ciažkaści ź jakasnym charčavańniem pa-za domam adčuvajuć bolš za pałovu biełarusaŭ. «Usio bolš ludziej siłkujucca ŭsuchamiatku abo pierabivajucca fastfudam i tym samym rujnujuć svoj racyjon, što rana ci pozna moža pryvieści da paharšeńnia zdaroŭja. Pryčym šmat chto hatovy źmianić svoj padychod, ale nie viedaje, jak heta mahčyma va ŭmovach ofisnaha ładu žyćcia i pastajannaha cejtnotu. Dadzieny prajekt jakraz i zaklikany vyjavić prablemy, pakazać, jak možna pravilna charčavacca i jakimi mohuć być zdarovyja pierakusy», — adznačyli pradstaŭniki Exponenta.
Siarod nastupstvaŭ niapravilnaha charčavańnia — schilnaść da atłuścieńnia, ryzyka sardečna-sasudzistych zachvorvańniaŭ i źnižeńnie imunitetu. Pavodle acenak śpiecyjalistaŭ, kolkaść tych, chto pakutuje ad lišniaj vahi, u Biełarusi niaŭchilna raście.
«Prablema atłuścieńnia sapraŭdy isnuje, i šmat u čym jana vyklikanaja pamyłkami ŭ racyjonie charčavańnia čałavieka. Mienavita na pracy adbyvajecca asnoŭny pryjom ježy — abied, jaki niaredka adsutničaje — zamiest jaho addajecca pieravaha biaskoncym pierakusam na praciahu pracoŭnaha dnia, pryčym daloka nie zaŭsiody zdarovaj ježaj. U vyniku pastupova pavialičvajecca kałaryjnaść racyjonu charčavańnia zvyš nieabchodnych dla arhanizma patrebaŭ, što i pryvodzić da zališniaj masy cieła i atłuścieńnia, — patłumačyła lekar-dyjetołah, kandydat miedycynskich navuk Nadzieja Rabava. — U cełym, biełarusy ŭžyvajuć ź ježaj vialikuju kolkaść tłuščaŭ i prostych vuhlavodaŭ, ale pry hetym źnižajuć spažyvańnie białku, jaki žyćciova nieabchodny arhanizmu. Jaho možna papoŭnić z dapamohaj niatłustaha miasa, ptuški, ryby, morapraduktaŭ i małočnych praduktaŭ, u tym liku na asnovie syrovatki, takich jak Exponenta Active».
Zbałansavanaje charčavańnie — heta suadnosiny białkoŭ, tłuščaŭ i vuhlavodaŭ u praporcyi 1:1:4. «Ale realnaść takaja, što biełarusy zvyčajna na 4,1 vuhlavoda atrymlivajuć ad 0,1 da 0,5 białku. Tendencyja da tłustaj i vuhlarodnaj ježy ŭzmacniajecca, i heta asabliva aktualna dla ofisnych rabotnikaŭ. ZOŽ-napoi Exponenta jakraz i zaklikany heta vypravić, tak jak bahatyja na syrovatačnyja białki, a mienavita jany źmiaščajuć bolšaść niezamiennych aminakisłot», — dadaŭ hałoŭny technołah kampanii-vytvorcy Michaił Hłušakoŭ.
Karysnyja ŭłaścivaści białkovych praduktaŭ pry źnižeńni lišniaj vahi i prafiłaktyki chvarob sasudaŭ i serca dakazaŭ Instytut fizijałohii NAN Biełarusi. Pieradkliničnaje daśledavańnie pakazała, što napoi Exponenta naroščvajuć ciahlicavuju tkanku biez nazapašvańnia padskurna-tłuščavaj abałonki i źnižajuć uzrovień chalesterynu ŭ kryvi.