Śviatočny kancert da 100-hodździa BNR projdzie i ŭ Pružanach
25 sakavika ŭ pružanskim Pałacy kultury adbudziecca kancert da 100-hodździa abviaščeńnia Biełaruskaj Narodnaj Respubliki.
Pružanski rajvykankam aficyjna zadavoliŭ zajavu TBM na praviadzieńnie śviatočnaha kancerta, a taksama ŭskładańnie kvietak da pomnika falkłarystu i stvaralniku Dziaržaŭnaj akademičnaj charavoj kapeły BSSR Ryhoru Šyrmie. Dahetul śviatkavańnie aficyjna było dazvolena ŭ Minsku, Hrodnie, Breście, Lidzie.
Fota z sajta pruzhany.net.
Kancert adbudziecca ŭ małoj zale Pałaca kultury siłami Tavarystva biełaruskaj movy, «Pružanskaha pałacyka», miascovych ansamblaŭ Pałaca kultury. Va ŭstupnym słovie arhanizatary raspaviaduć pra BNR, prahučyć himn «My vyjdziem ščylnymi radami». Dakładnaja prahrama śviatočnaha kancerta pakul nie apublikavanaja.
Važnaść uskładańnia kvietak da pomnika Šyrmie mienavita 25 Sakavika tłumačycca tym, što miesca kala dadzienaha pomnika źjaŭlajecca tradycyjnaj łakacyjaj praviadzieńnia pikietaŭ miascovaj supolnaści TBM na Dzień Voli dy inšyja nacyjanalnyja śviaty.
Cikavy fakt, što pomnik Ryhoru Šyrmie staić na terytoryi muzyčnaj škoły imia Ryhora Šyrmy, jakaja znachodzicca na vulicy Ryhora Šyrmy. Hetuju vulicu ŭ pačatku 1990-ch paśpieli pierajmienavać z Kamunistyčnaj. Tamu ŭ Pružanach, jak u niašmat jakich biełaruskich haradach, ciapier niama Kamunistyčnaj vulicy.