U Biarozaŭcy pacyjent źbiŭ fielčaraŭ chutkaj, jakija pryjechali na vyklik
14 sakavika žychar Biarozaŭki patelefanavaŭ u słužbu 103 i paviedamiŭ, što drenna siabie adčuvaje. Bryhada pryjechała na vyklik, adnak mužčynu nie spadabałasia, što miedyki zatrymalisia.
Akazałasia, što mužčyna niekalki dzion da hetaha vypivaŭ. Byŭ jon pjany i kali pryjechali miedyki. Pacyjent adrazu ž staŭ pavodzić siabie ahresiŭna.
— Adnu ź fielčaraŭ jon mocna ŭdaryŭ u tvar — jana straciła prytomnaść, druhuju ž spuściŭ ź leśvicy. Abiedźvium žančynam spatrebiłasia miedycynskaja dapamoha. U adnoj było padazreńnie na strasieńnie mozhu. Na ščaście, napad nie mieŭ ciažkich nastupstvaŭ. Žančyny ciapier adčuvajuć siabie zdavalniajuča. Špitalizacyja nie spatrebiłasia, — raspaviali TUT.BY kalehi paciarpiełych miedykaŭ.
Daktary paviedamili ab nieadekvatnych pavodzinach mužčyny ŭ milicyju.