Nacyjanalnaje ahienctva pa turyźmie pieramahło ŭ konkursie ź VIDEA, skradzienym u Viktara Małyščyca
Nastaŭnik, astranom i fatohraf Viktar Małyščyc vyjaviŭ, što Nacyjanalnaje ahienctva pa turyźmie skrała jaho rolik «Biełaruś u abdymkach zorak» i navat atrymała za jaho ŭznaharodu na fiestyvali rekłamy «Bieły kvadrat» u 2017 hodzie!
«Ab tym, što naša Nacyjanalnaje ahienctva pa turyźmie choča prabić dno, ja padazravaŭ daŭno. Spačatku jany stvaryli sajt belarus.travel za dzikija 28 000 rubloŭ. Zhodna z materyjałami tendara, pavinien byŭ atrymacca partał na biełaruskaj, ruskaj, anhlijskaj, niamieckaj i polskaj movie. Možacie zajści pa hetym adrasie i pierakanacca, što heta zusim nievialiki sajcik na ruskaj i byccam by anhlijskaj movach. Ale bolšaść spasyłak u anhlijskaj viersii albo bityja, abo viaduć nie tudy.
Potym ja adšukaŭ na hetym sajcie svaje zdymki. Kradzienyja, kaniešnie. Kali pačaŭ aburacca, sa mnoj apieratyŭna źviazałasia supracoŭnica ahienctva, vybačyłasia za niazručnaści, i my chutka zabyli pra hety kanflikt. Ale potym ja adšukaŭ tam jašče bolš svaich fota i paaburaŭsia iznoŭ. Na hety raz nichto vybačacca i nie źbiraŭsia, płacić za vykarystańnie — taksama, a Vieranika Darožka tolki nachamiła ŭ kamientach. Spačatku ja padumaŭ, što ŭ ahienctvie prosta niedahledzieli, što ichniaja sakratarka ci niaŭmiełaja SMMščyca adkazvaje ŭ takim tonie. Ale potym daviedaŭsia, što Vieranika Darožka — heta dyrektarka Nacyjanalnaha ahienctva… Čatyry maje fotki i zaraz tam visiać.
Ale siońnia mnie pakazali jašče bolš dziŭnuju reč. U 2017 hodzie ahienctva pa turyźmie pryniało ŭdzieł u fiestyvali rekłamy «Bieły kvadrat» u naminacyi «Videa i aŭdyjo raboty», pradstaviŭšy tam svaje pracy «Biełaruś: zvyš za čakańnie», «Minskaja vobłaść» i… moj stary rolik «Biełaruś u abdymkach zorak». Padpisaŭšy jaho, kaniešnie, svaim imiem i zaniaŭšy ŭ hetaj naminacyi 2-je miesca.
Dziakuj, darahoje ahienctva! Ja ščyra ŭ vas vieryŭ! Dno prabita», — napisaŭ Małyščyc u fejsbuku.