Bieraściejski narkahandlar uciok z-pad kanvoju. Praz 10 dzion jaho złavili pad Ivacevičami
Učora ŭviečary supracoŭnikami milicyi byŭ zatrymany bieraściejec, jaki ŭciok z-pad varty, paviedamlaje «Sovietskaja Biełoruśsija».
Jon padazrajecca ŭ ździajśnieńni złačynstva, źviazanaha ź niezakonnym abarotam narkotykaŭ. Znachodziačysia na stacyjanarnym lačeńni ŭ Bresckaj balnicy chutkaj dapamohi, 27-hadovy mužčyna viečaram 10 krasavika źbieh z-pad kanvoju.
Apieratyŭna-vyšukovyja mierapryjemstvy praciahvalisia 10 dzion. Aficyjny pradstaŭnik UUS Bresckaha abłvykankama Siarhiej Dučenka paviedamiŭ, što ŭčora kala 18.00 ŭciekača zatrymali ŭ vioscy Abroŭ Ivacevickaha rajona. Padrabiaznaści apieracyi pakul nie vydajucca.