U Indyi ŭviali śmiarotnaje pakarańnie za zhvałtavańnie dziaciej
Urad Indyi zaćvierdziŭ ukaz ab uviadzieńni śmiarotnaha pakarańnia za zhvałtavańnie dziaŭčynak, małodšych za 12 hadoŭ. Pra heta paviedamlaje The Hindu.
Novaŭviadzieńni źjaŭlajucca papraŭkaj da zakona ab abaronie dziaciej ad seksualnych złačynstvaŭ (POCSO). Zhodna ź imi, minimalnym pakarańniem dla hvałtaŭnikoŭ stanie termin nie mienš za 20 hadoŭ, maksimalnym — pažyćciovaje źniavoleńnie abo śmiarotnaje pakarańnie. U vypadku hrupavoha zhvałtavańnia pakarańniem budzie pažyćciovaje źniavoleńnie abo pakarańnie śmierciu.
Akramia taho, bolš žorstkim pakarańnie za zhvałtavańnie dziaŭčynak, małodšych za 16 hadoŭ — minimalny termin pavialičyli z 10 da 20 hadoŭ. Za zhvałtavańnie žančyny złačyniec atrymaje minimum 10 hadoŭ pazbaŭleńnia voli.
Jak paviedamlaje India TV, papraŭku ŭviali paśla niekalkich rezanansnych złačynstvaŭ seksualnaha charaktaru ŭ dačynieńni da dziaciej.