Łukašenka: Nie baču nijakich padstavaŭ dla rostu cenaŭ
U Biełarusi niama nijakich padstavaŭ dla rostu koštaŭ. Pra heta zajaviŭ Alaksandr Łukašenka padčas subotnika. Kiraŭnik krainy adznačyŭ, što pasłuhi ŽKH musiać daražeć nie bolš čym na $5 na hod.
«My pieražyvali 5 dołaraŭ, navat u zimovy čas. Niama nieabchodnaści pavyšać. I košt ŽKH nie budzie raści, bo tam dziaržava sama rehuluje košty», — skazaŭ Łukašenka.
Jon miarkuje, što niama padstavaŭ i dla rostu cenaŭ na charčavańnie: pieravažnaja bolšaść praduktaŭ — biełaruskaj vytvorčaści, a impartny składnik nievialiki. Łukašenka pierakanany, što siarod pastaŭščykoŭ impartnaj pradukcyi źjaviłasia kankurencyja i «jany nie padymuć, bo vyleciać z rynka».
Na jaho dumku, ceny mohuć vyraści adno pry vonkavych fors-mažornych abstavinach. Siarod prykładaŭ jon nazvaŭ rezkaje padzieńnie na rynkach asnoŭnych krain-partnioraŭ abo abvastreńnie situacyi na suśvietnych rynkach u vyniku vajennych dziejańniaŭ, paviedamlaje BiełTA.