Ivan Šyła raskazaŭ, jak pieražyć razryŭ adnosin, kali heta siomy raz
U fejsbuku viadomy hramadski aktyvist, pradprymalnik, žurnalist Ivan Šyła padzialiŭsia žyćciovymi paradami, jak, nie rujnujučy siabie, pieražyć razryŭ adnosinaŭ. Ivan pieražyvaje rasstańnie ŭ siomy raz, jaho žyćciovamu dośviedu možna vieryć.
Ja niadaŭna pisaŭ, što rabić, kali ŭ vas pachmielle, a ciapier mahu raspavieści pra toje, jak pieražyć kaniec adnosin (u mianie heta siomy raz, cha).
Pa-pieršaje, ałkahol i narkotyki nijak nie dapamohuć. Čym raniej ad ich admovicca, tym lepš.
Ja nie asablivy prychilnik dumki, što novyja zaniatki / źmiena zaniatkaŭ i ščylny hrafik mocna dapamahajuć, ale šmat volnaha času dakładna nie idzie na karyść.
Samyja składanyja punkty ŭ sutkach — pierad snom i ranicaj. Z druhim składaniej, ale kali pačynać dzień z prabiežki, to heta, viadoma, palepšyć nastroj. Pierad snom možna pić snatvornaje, vielmi zručna.
Sport naohuł vielmi dapamahaje, i svabodny status — heta dastatkovy čas dla trenirovak.
Važna sustrakacca ź ludźmi. Nie tamu, što zaraz možna (tady dobra, što adnosiny skončylisia), prosta heta adciahvaje. Ale treba pamiatać pra ałkahol.
Možna jašče skazać, što sustrečy ź ludźmi — heta bolšy šaniec dla novych adnosin. I tak, novyja adnosiny vielmi dapamahajuć zabyć staryja, ale jany chutčej pra minułaje, čym pra budučyniu. Tamu ŭ dzieviaci vypadkach ź dziesiaci skančajucca chutka i drenna. Abo prosta chutka.
P.S Nie pišycie śloznych pastoŭ i mienš dajmajcie siabroŭ svaimi prablemami. Raspoviedy pra pakuty hučać adnolkava (niahledziačy na toje, što ŭsie niaščasnyja jak byccam by pavinny być niaščasnyja pa-roznamu).