Makiej — Litvie: Tyja, chto abvinavačvaje Biełaruś u «zaležnaści» ad trecich krain, sami zaležać ad Biełarusi
mfa.gov.by
Na sustrečy z pasłami pa asobych daručeńniach krain ES Uładzimir Makiej vykazaŭsia z nahody niadaŭniaha intervju kiraŭnika MZS Litvy Linasa Linkiavičusa TUT.BY. Pra heta paviedamlaje pres-słužba MZS.
Pavodle słoŭ Uładzimira Makieja, dziaržaŭny suvierenitet źjaŭlajecca najvyšejšaj kaštoŭnaściu dla Respubliki Biełaruś. Kiraŭnik MZS ličyć, što ŭ sučasnym śviecie nie isnuje całkam samadastatkovych krain. A niekatoryja ź dziaržaŭ, jakija abvinavačvajuć Biełaruś u «zaležnaści» ad trecich krain, sami ŭ značnaj stupieni zaležać ad Biełarusi.
Ministr vykazaŭsia i nakont čerhaŭ na biełaruska-litoŭskaj miažy, pra jakija kazaŭ Linkiavičus. Na jaho dumku, składanaści ź pierasiačeńniem biełaruska-litoŭskaj miažy hałoŭnym čynam źviazany ź niedastatkovaj raźvitaściu mytnaj infrastruktury na litoŭskim baku. U hetaj suviazi litoŭskamu boku rekamiendavana davieści jaje stan jak minimum da takoha ŭzroŭniu, jakoha dasiahnuła Biełaruś pry sadziejničańni ES. Biełaruski bok hatovy sumiesna ź Litvoj pracavać nad likvidacyjaj barjeraŭ dla pajezdak hramadzian i spraščeńniem paradku pierasiačeńnia miažy.